దానశీలం 10వ తరగతి తెలుగు పద్యం-5 రాగయుక్తంగా, భావయుక్తంగా చదవడం మరియు అర్థం చేసుకోవడానికి శ్రీ కటుకోజ్వల మనోహరాచారి గారిచే

1. దానశీలం 

కవి - బమ్మెర పోతన

(వివరణ - శ్రీ కటుకోజ్వల మనోహరాచారి)

 పద్యం  5 (చదవండి)

ఉడుగని క్రతువుల వ్రతముల

బొడగన జననట్టి పొడవు పొడవున గుఱచై

యడిగెడి నట; ననుబోటికి

నిడరాదె మహానుభావ ! యిష్టార్థంబుల్..

పద్యాన్ని రాగయుక్తంగా వినడానికి క్రింద play button నొక్కండి (లోడ్ అయ్యోవరకు ఆగండి)

భావయుక్తంగా:(చదవండి)

ఉడుగని క్రతువుల -వ్రతములన్-

పొడగనన్ చననట్టి- పొడవు- పొడవున కుఱచై-

అడిగెడి నట; ననుబోటికిన్-

ఇడరాదె- మహానుభావ !- ఇష్ట అర్థంబుల్..

పద్యాన్ని భావయుక్తంగా వినడానికి క్రింద play button నొక్కండి (లోడ్ అయ్యోవరకు ఆగండి)

కఠిన పదాలు-అర్థాలు: (తెలునుకోండి)

ఉడుగని     =    ఎడతెగని

క్రతువులు     =   యజ్ఞాలు

పొడ       =    రూపం (ఆనవాలు)

పొడవు     =    గొప్పనైన

కుఱచై        =    పొట్టివాడై  (సామాన్యుడై)

ననుబోటికి      =  నా బోటివానికి

ఇష్టార్థంబుల్       =   కోరిన కొర్కెలు 

పద్య  భావాన్ని / వివరణను వినడానికి క్రింద play button నొక్కండి (లోడ్ అయ్యోవరకు ఆగండి)

భావం: (చదవండి)

         ఓ మహానుభావా! ఎడతెగని యజ్ఞాలు, పుణ్యవ్రతాలు ఎన్ని చేసినా కనిపించనివాడు ఆ మహావిష్ణువు. అంతటి మహా గొప్పనైనవాడు నా వంటివాని వద్ద చిన్నవాడిగా మారి అడుగుతున్నాడు గదా! ఆతడు కోరినదానిని ఇవ్వకుండా ఉండగలమా?